لكن في البداية عاوزين نتعرف على مواصفات الفيديو المناسب لليوتيوب
مدة الفيديو المرفوع على القناة
ودي بتكون ياما اقل من 10 دقايق او اكثر من 10 دقايق، الفيديو اللى مدته اقل من 10 دقايق ده بينزل عليه اعلان واحد، حتي ولو كان مدة الفيديو 9.59 ثانية.انما الفيديو اللى مدتة 10 دقايق فاكثر فدا بينزل عليه اكتر من اعلان وتقدر تحط عدد الاعلانات يدويا وتحدد اماكنها، انما لو الفيديو اقل من 10 دقايق فمش متاح انك تحط اعلانات يدويه او تحدد اماكنها
ايه انسب مدة للفيديو اللى هرفعة على القناة ؟؟
دي هتكلم عليها في موضوع منفصل عشان محتاجه توضيح كتير شوية
النقطة التانية في مواصفات الفيديو وهي حجم وابعاد الفيديو
المفروض الحجم الافتراضي للفيديو الموصى به من اليوتيوب يكون بابعاد 1920*1080 او اللى بيتقال عليه فل اتش دي او 1080من فتره قبل التحديثات الجديدة كان الحجم الموصى به هو 720 او 1280*720 او اتش دي
لكن حاليا بقى الافتراضي هو 1080
في احجام تانية من الفيديو اقل من كدا واكتر
لكن الاحجام اقل من 720 زي 480 او 360 او 240 او 144 دي غير محبذه لان جودة الفيديو هتكون ردئية
انما اقل حجم هو 720 فاكتر
زي 1080 او 4 كي
وزي ما اتكلمنا عن مقاس وابعاد الفيديو، هنتكلم عن جودة صوت الفيديو
كيفة تسجل صوت الفيديو بجوده مناسبة
المفروض جودة الصوت تبقى كويسه ومقبوله الى حد كبير، واقل شئ تستخدم مايك التليفون بتاعك في تسجل الصوت ويكون صوت قريب بمسافة ماتزدش عن 20 سم عن مايك التليفون عشان تطلع جودة كويسه يعني بمتوسط مسافة شبر بحجم ايدك.
وموضوع الصوت هتكلم عنه في حلقة منفصلة في الدوس القادمة.
وفي الدرس الجاي هنتعلم ازاي نعمل صورة مصغره للفيديو ثامبنيل
والدرس اللى بعده هنتعلم ازاي نصنع فيديو بطريقة احترافية باداوت مختلفة
سواء كنت هتستخدم كاميرا او تليفون او هتعمل شروحات لسطح المكتب
ودلوقت عشان ترفع فيديو بتدخل على قناتك وتختار رمز الكاميرا وتسحب الفيديو وتتركة او تضغط على ادراج فيديو وتختار الفيديو من جهازك.
بعد ما يخلص تحميل الفيديو نحط عنوان للفيديو وصف للفيديو وكلمات دلالية وموضوع العنوان والوصف والكلمات الدلالية دا هنعمل عنه حلقة منفصلة او اكتر لانه هيكون تحت قسم سيو اليوتيوب
نكمل اعدادت الفيديو
- اضافة شاشة النهاية
- اضافة البطاقات
- تحديد مستوى العرض
- ثم نشر
انتظرونا في الدرس القادم لتصميم صورة صغره بطريقة احترافية